ہیپاٹائٹس B، ہیپاٹائٹس B وائرس کی وجہ سے جگر میں ہونے والی سوزش ہے۔ بالغ افراد میں، زیادہ تر صورتوں میں ہیپاٹائٹس B انفیکشن اچانک رونما ہوتا ہے، جہاں جسم وائرس کو خود ہی شکست دے ڈالتا ہے اور آپ ہیپاٹائٹس B سے بعد میں دوبارہ متاثر نہیں ہو سکتے۔. تاہم متاثر ہونے والوں میں سے 10% میں ہیپاٹائٹس B دائمی شکل اختیار کر لیتا ہے، جس کا مطلب ہے کہ انفیکشن کے 6 ماہ بعد بھی وائرس خون میں موجود ہوتا ہے اور دیگر افراد کو بھی متاثر کر سکتا ہے۔1 دائمی ہیپاٹائٹس B کے شکار مریضوں میں سیروسِس اور جگر کے کینسر کا خطرہ بھی بڑھ جاتا ہے.2
جگر کا سیروسِس کیسے بنتا ہے اور اس کے کیا اثرات ہوتے ہیں، اس بارے میں یہاں مزید پڑھیں۔.
چھوٹے بچوں اور کمزور قوت مدافعت کے حامل افراد میں، اچانک ہونے والا ہیپاٹائٹس B شاذونادر ہی ٹھیک ہوتا ہے اور 90% تک مریضوں میں یہ دائمی صورت اختیار کر لیتا ہے.1
ہیپاٹائٹس B، سب سے عام پائی جانے والی متعدی بیماریوں میں سے ایک ہے:1
ہیپاٹائٹس B بہت متعدی ہوتا ہے۔ بنیادی طور پر یہ بذریعہ خون منتقل ہوتا ہے، لیکن یہ دیگر جسمانی رطوبتوں جیسا کہ لعاب، آنسوؤں، نطفے اور اندام نہانی سے خارج ہونے والی رطوبتوں میں بھی پایا جاتا ہے۔ درج ذیل صورتوں میں وائرسز بکثرت منتقل ہوتے ہیں
ہیپاٹائٹس B طویل عرصے تک چھپا رہ سکتا ہے، کیونکہ یہ اکثر ناقابل شناخت ہوتا ہے اور مرض کی کوئی مخصوص علامات نہیں ہوتیں۔ اگر آپ طویل عرصے تک مندرجہ ذیل علامات محسوس کرتے ہیں تو آپ کو ہوشیار ہو جانا چاہیئے اور ڈاکٹر کو دکھانا چاہیئے۔1
ہیپاٹائٹس B انفیکشن کا پتہ لگانے کے لیے، خون میں وائرس کے خلاف اینٹی باڈیز اور وائرس کے متعدد اجزاء کا ٹیسٹ کیا جاتا ہے۔1
قانونی طور پر بیمہ کے حامل 35 برس سے زائد عمر کے افراد کو اپنی ‘صحت کے معائنے’ کے حصے کے طور پر ایک مرتبہ ہیپاٹائٹس B (اور C کا بھی) مفت ٹیسٹ کروانے کی سہولت حاصل ہوتی ہے۔4
چونکہ انفیکشن کی شکار مائیں پیدائش کے عمل کے دوران یہ وائرس نوزائیدہ بچے میں منتقل کر سکتی ہیں، لہذا حاملہ خواتین کی ہیپاٹائٹس بی کے لیے جلد از جلد اسکریننگ کی جاتی ہے۔5 اگر ہیپاٹائٹس B وائرس کا پتہ چل جاتا ہے، تو ہیپاٹائٹس D کے لیے بھی ٹیسٹ کیا جانا چاہیئے۔ ہیپٹائٹس D وائرس کی بیک وقت موجودگی جگر کی بیماری کے دورانیے پر منفی طور پر اثرانداز ہو سکتی ہے۔1
بالغ افراد میں، اچانک رونما ہونے والا ہیپاٹائٹس B کا انفیکشن عام طور پر بغیر کسی اثرات کے ٹھیک ہو جاتا ہے اور کچھ ہفتوں کے اندر علامات ختم ہو جاتی ہیں۔1 تاہم، اگر ہیپاٹائٹس B دائمی شکل اختیار کر چکا ہو، تو مرض کے پھیلاؤ کی نگرانی اور ابتدائی مرحلے پر ہی جگر میں تبدیلیوں کی نشاندہی کے لیے ڈاکٹر کے پاس باقاعدگی سے جانا ضروری ہے۔6 ادویات کے ذریعے علاج ایک عمومی اختیار ہے۔ اس کے لیے علاج کے دو طریقے دستیاب ہیں:1
زیادہ تر صورتوں میں، ہیپاٹائٹس B سے صحت یابی ممکن نہیں ہو سکتی، تاہم بروقت علاج سے جگر کے سیروسِس یا جگر کے کینسر کا خطرہ کم کیا جا سکتا ہے۔1,3 آپ کی دیکھ بھال کرنے والا ڈاکٹر یہ طے کرے گا کہ آپ کے لیے کون سا طریقہ علاج بہترین ہے۔
1982 سے، ہیپاٹائٹس B کے خلاف ایک بہت موثر اور جسم کے لیے قابلِ برداشت ویکسین موجود ہے، جسے 2 ماہ کی عمر کے بچوں کے لیے تجویز کیا جاتا ہے۔1,6 ہیپاٹائٹس B وائرس سے ہونے والے انفیکشن کے خلاف یہ تحفظ کا بہترین طریقہ ہے۔ اگر آپ نے ہیپاٹائٹس B کے خلاف ویکسین لگوا رکھی ہے، تو آپ کو ہیپاٹائٹس D بھی نہیں ہو سکتا۔
مزید برآں، انفیکشن سے متاثرہ افراد کے خون اور دیگر جسمانی رطوبتوں سے ہر ممکن حد تک پرہیز کے ذریعے بھی انفیکشن سے متاثر ہونے کے خطرے میں کمی لائی جا سکتی ہے، جیسا کہ درج ذیل رویوں اور اقدامات کے ذریعے:1
ہیپاٹائٹس C دراصل کیا ہے؟ یہاں آپ مفید تفصیلات پائیں گے۔
ہیپاٹائٹس D کے بارے میں معلومات حاصل کریں! ہیپاٹائٹس B سے کیا فرق ہے؟ اور آپ خود کو کیسے محفوظ رکھ سکتے ہیں؟
کیا آپ ہمارے جگر اور اس کے کام کے بارے میں مزید جاننا چاہیں گے؟ تو پھر آپ درست جگہ پر ہیں ۔
