Гепатитын халдвар нь халдвар авах эрсдэл болон болзошгүй сэтгэл зүйн үр дагаврын улмаас халдвар авсан хүний гэр бүлийн орчинд ноцтой сөрөг нөлөө үзүүлж болно. Архаг өвчин, гепатиттай зохицож амьдрах амьдралын өдөр тутмын бэрхшээлийг даван туулахын тулд, асран хамгаалагч, гэр бүлийн гишүүд дараах зүйлсийг хийх боломжтой:
Гепатитын халдвар, өвчний явц, эмчилгээний янз бүрийн сонголтууд, тэдгээрийн бие махбодийн болон сэтгэл зүйн үр дагаврын талаарх нарийвчилсан мэдээлэл нь асран хамгаалагч бүрд тулгардаг бэрхшээлийг ойлгоход тусалдаг.
Өвчин, ялангуяа гепатит B, D вирусийг хүлээн зөвшөөрч, өдөр тутмын амьдралаараа гепатиттай зохицож амьдрахад нь өвчтөнд сэтгэл зүйн тусламж шаардлагатай байж болно. Өвчний явцыг ажиглаж буй хамаатан, гадны “ажиглагч”-ийн хувьд, шаардлагатай гэж үзвэл та ийм тусламж санал болгож болно.
Хэрэв та өвчтөний хамтран амьдрагч бол, гепатитын халдварыг илрүүлсний дараа вирус бэлгийн замаар дамжих магадлалтай тул, та хоёрын харилцаанд тодорхой асуудал тулгарч болзошгүй. Гэхдээ, олон гепатитын халдвар нь шинж тэмдэггүй байдаг бөгөөд ихэвчлэн хэдэн жилийн турш илэрдэггүй гэдгийг анхаарвал зохино.2 Харилцааны хувьд, вирусийн халдвар дамжуулах эсвэл халдвар авахаас айх айдас нь татгалзал, бэлгийн сулралыг дагуулдаг бөгөөд энэ нь заримдаа эрүүл мэндийн эсвэл сэтгэлзүйн дэмжлэг шаардаж болно. HBV-ийн халдварын тохиолдолд, заавал бэлгэвч хэрэглэхийг зөвлөдөг.3 HCV-ийн халдварын тохиолдолд, бэлгийн замаар дамжих эрсдэл бага боловч бүрэн үгүйсгэх аргагүй тул, хамтрагчид нь үе үе солигддог бол, бэлгийн харьцаанд орохдоо бэлгэвч хэрэглэхийг зөвлөдөг. HCV-эерэг архаг халдвартай хамтрагчтайгаа урт хугацааны харилцаатай бол, тохиолдол тус бүрд ийм шийдвэрийг харгалзаж үзвэл зохино.4
Өвчтэй хамаатандаа үргэлжлүүлэн тусламж дэмжлэг үзүүлэхийн тулд, та өөрөө эрүүл байж, халдвар авах эрсдэлээс өөрийгөө хамгаалах ёстой.
Халдвар нь бохирдсон зүйлсээр цусаар дамжиж боломжтой. Тиймд, эрүүл ахуйн маш хатуу арга хэмжээ баримталж, сахлын хутга, шүдний сойз, хумсны хутга (жагсаалт бүрэн гүйцэд биш) зэрэг зүйлсийг дундаа хэрэглэхгүй байх, мөн шивээс, цоолбор хийлгэх, чих цоолуулах үедээ эрүүл ахуйн нөхцөлд анхаарал хандуулах шаардлагатай.4
Элэгний үрэвсэл: B, C, D вируст гепатит өвчний талаар та юу мэдэх ёстой вэ
Гепатитын оношлогоо нь ихэвчлэн цочирдуулдаг. Эдгээр зөвлөмжүүд нь өдөр тутмын амьдралаа гепатиттай даван туулахад тань тусална.
Гепатитын талаар олж мэдэх: Чухал асуултын хариулт, элэгний өвчинтэй холбоотой нэр томъёоны тайлбар
